lokalitet 1 -lang tur for vidarekomne

Den 2 km lange stien til Ryvarden Kulturfyr går gjennom nokre av dei dei eldste bergartene i geoparken, 1,5 mrd år gml isskurt auge-gneis. Frå fyret har du utsikt over Hardangerfjordens møte med Nordsjøen, og over til den unge havbunnsvulkanismen på nordsida av fjorden. Synleg frå sjøen men svært værhardt og ikkje tilrådeleg med kajakk

lokalitet 4- lang tur for vidarekomne

Steinalderens verkstadbuplass for tilvirking av grønsteinsøksene frå Hespriholmen. Ligg innerst i Langevåg, like ved gjestehamna og Bygdatunet med kafe og butikk. Langevåg er smult farvatn for kajakk, men Bømlafjorden like utanfor kan vera svært krevjande. Sokkamyro er freda. Arkeolog Håkon Schetelig starta utgravingane her i 1900, og byrja med det den norske steinalderarkeologien.

lokalitet 6-lang tur for vidarekomne

Kjelda for grønsteinsøksene på Sør-Vestlandet gjennom 6000 år. Ei av dei eldste intakte gruvene i verda. Øya er freda, men gå gjerne i land frå austsida om vér og bølge tillet. Nordøyane og Holsøyane er fine farvatn for kajakk, men ligg eksponert til mot havet og krev solid kajakk- og båterfaring.

Tilkomst med eigen båt, evt. kontakt geoparken.

lokalitet 11-lang tur for vidarekomne

Særs godt presenterte spor av djuphavs-ras. Ei blanding av djuphavssediment, vulkansk- og plutonske bergarter samt seinare diabas-intrusjonar,- alt forma gjennom meir enn 20 mill. år. Synleg frå sjøen, mulig landgang i vik rett vest for lokaliteten. NB! Værhardt område som krev god kajakkerfaring.

lokalitet 13 – lett tilkomst

Det største gullgruveområdet i Noreg (1880-1910), langs gullførande kvartsårer over Lykling. 200 kg gull var teke ut før siste gruva vart nedlagt. Mineraliseringa er avsett i samband med jordskorpe-forskuving (orogenese).

Ligg til sjø men er svært eksponert. Beste landgongsmulighet i gjestehamna i Lyklingesjøen, 2 km gange frå gruvene. Næraste sjøsetting i Åreidalen, Kulleseidkanalen gjestehavn eller Eidesvik.

lokalitet 20-lang tur for vidarekomne

Ein naturleg skulpturpark rundt lagune ytterst mot storhavet. Isskurt granitt med vær-erosjon langs sprekker. Mykje pegmatitt og store krystallar av feltspat, kvarts og mica. Tilkomst m. eigen båt/kajakk i eit eventyrleg men svært værhardt farvatn.

Tilkomst m. båt.

lokalitet 27-utaskjærs, mulig sjø

Steinkyrkje frå ca 1100 i stein/marmor, med Moster Amfi og Kyrkjehistoriske senter like ved. Amfiet bygd i ei marmorgruve, med kafé, bibliotek og fleire utstillingar. Kalkomnar like ved amfiet, og fin tursti til Vetahaugen. Parkering v/kyrkja, evt. m. båt i Mosterhamn ca 200 meter frå amfiet. Skjerma farvatn i hamna men eksponert og værhardt i Bømlafjorden

lokalitet 34-lett tilkomst

Fint eksempel på bruk av lokal granitt som byggemateriale i Fitjartun. Steingarden v/kyrkja like ved er bygd av stein frå ei eldre middelalderkyrkje. Den rike morenejorda her har gjeve gode kår for landbruk, og bygda er kjent for eineståande bronsealderfunn og som staden der Håkon den Gode fekk banesåret i år 960. Godt utgongspunkt for kajakkturar

lokalitet 36-utaskjærs, mulig sjø

Her kan du spaséra på raud stein frå jordas indre! Peridotitt, harzburgitt og olivin, forma i overgangssona mellom jordas mantel og havskorpa. 500 m frå Bekkjarvik Gjestgiveri og Beckerwyck House. Tilkomst med båt/kajakk.

Tilkomst med båt, men same berggrunn finnest langs promenaden på land innom øya.

lokalitet 38-lang tur for vidarekomne

Bårdhaugen lengst vest på Reksteren gjev unik innsikt i kontakten mellom to magmakammer (granitt og gabbro) då Sunhordlandsbatolitten vart laga. Tilkomst m. eigen båt, men svært værhardt. Ikkje tilrådeleg med kajakk. Synleg frå ferja mellom Sandvikvåg og Halhjem.

Tilkomst med båt.

lokalitet 41-lett tilkomst

Forhistorisk gravplass med 4 bautasteinar av lokal skifer like ved Årbakka Handelsstad. Opprinneleg 6-7 støtter og fleire gravhaugar, vardar og steinringar. Keramikk og våpen-restar vart funne ved tidleg utgraving, men er tapt i dag. Parkering like ved, evt. tilkomst m. båt/kajakk til handelsstaden som er open i sommarsesongen.

Keramikk og våpen-restar vart funne ved tidleg utgraving.

lokalitet 43-lett tilkomst

Halsnøy-morenen strekkjer seg over fjord-botnen og utgjer stor del av Halsnøy. Klosteret vart bygd på den grøderike morenejorda til kroninga av Kong Magnus i 1163. Marmor frå øya Hidle like ved vart nytta i kistemuren. Klosteret med kafe og utstilling er ope i sommarsesongen. Parkering like ved hovudvegen over Halsnøy, evt landgong ved kai på sørsida.

lokalitet 48-utaskjærs, mulig sjø

Ein istids-skulptur forma av den plastiske is-kappa som seig ut i fjorden og polerte den relativt mjuke fyllitten i Skoprpo med sine raske sub-glasiale smeltevass-straumar fylte av grus og med høgt trykk. Fint å sjå frå båt på nært hald!

lokalitet 58-lang tur for vidarekomne

Bilturen frå Rosendal til Møsevatn i sørvest-enden av Folgefonna går gjennom eit spektakulært landskap av enorme granitt- og gabbrokompleks (plutoner).
Guida kajakkturar til brefronten er mogleg med Folgefonni Breførarlag.

NB! Guida kajakkturar er mogleg inn til brefronten i Møsevatn, +47 951 17 792.

lokalitet 61 – lett tilkomst

Fint tillaga gangsti gjennom eit freda naturreservat med olderskog og rik biodiversitet. Fleire gravhaugar frå jernalder langs stien, og eit særeige og fint forma geologisk fenomen av kalkspatmarmor i Apalvika. Ca 1 timer lett spasertur t/r parkeringsplassen. Lett tilgang også via kajakk/båt.